صراحة بحثت كثيرا وفتشت عن تسمية أجمل لهذه الفترة (شهر الإنقطاع) ولكن محاولاتي باءت بالفشل فمهما حاولت أن أخترع تسمية ألطف وأقل تخويفا لطلاب البكالوريا تذكرت حالتي في تلك الأيام وكيف أنني لم أجد الوقت لأنظر إلى نفسي في المرآة.
ولكن بغض النظر عن الملل والتوتر الذي أعيشه إلا أن هذا الشهر كان من أجمل أيام حياتي فلقد اكتشفت نفسي وعرفتها على حقيقتها.
ولهذا الوقت عندما استرجع ذكرياتي في هذا الشهر أقول في نفسي: (معقوووووووول إني كنت شاطرة لهالدرجة!!) أو مثلا: (مو معقول شو كنت فارة كتب 13ساعة دراسة بالنهار؟؟! والله لو حاكمين علي أعمال شاقة ما بعملها) .
أعلم أن البعض يستغرب من مدحي لهذه الأيام ولكن إذا لم ترد أن تعش هذه الأيام بسعادة فهذا سوف  يؤثر عليك سلباً وستشعر بالضيق والملل وستعيش بأوهام وأحلام مرعبة  وسترى في منامك شبح كبير يركض خلفك ويصرخ فيك ويقول: (أنا مستقبلك) .
لذلك يا أخي المسكين المعتر يا أيها الطالب:إني أناشدك بأن تجعل لنفسك في هذه الأيام برنامج تسير وفقه ولازم تعرف وتتأكد وتتيقن أنه لايوجد برنامج فاشل وآخر ناجح لأن تنظيم الوقت بالأساس هو مشروع ناجح وهذا هو هدف البرنامج ولكن هناك بعض النصائح أحب أن أفيدكم بها فمثلاً:
1.مافي أحلى من الفيقة بكير صحي أول يومين رح تتعذبوا بس بعدين بتتعودوا لأنو الطاقة يلي بتاخدوها من ضوء الشمس أحسن بكتير من ضوء النيون يلي بيبقى شاعل لوقت متأخر بالليل و عأساس عم تدرس.
2. ديرو بالكن على صحتكن سواءً بالأكل أو بالنوم ومعلش مسامحين بالناقص من مسألة رياضيات أو قصيدة عربي بس ماتروحوا شي وجبة لأنو هاد الشي رح يأثر سلباً على إنتاجكن .
3.ما في شي بالبكالوريا اسمو عم ادرس انا و رفقاتي لأنو الحمد لله بصير نقاشات بكافة المواضيع إلا الدراسة .
4.حاولوا تروقوا ولا تعصبوا ولا تتناقروا مع أهاليكن كونوا لطفاء قدر الإمكان لحتى ما حدا يدعي عليكن و تنضربوا بشي مادة .
آخر شي بحب قول أنكم جماعة محظوظة لانو الحمدلله هي السنة يا شباب مافي لا مونديال و لا هم يحزنون و أنتو يا صبايا أسبوع الموضة خلص بباريس قبل شهر لشوف بشو رح تلتهو أيها الجيل الصاعد .... !!!!
انشا الله موفقين
بقلم دعاء صادق..

 ⋅

تنبيه : جميع الاراء الواردة تعبر عن رأي أصحابها و لا علاقة لإدارة الموقع بها


11
Lillian
2013-04-29 13:04:06
loliana132@hotmail.com
تسميه لشهر الانقطاع تانيه؟؟أنا أول مرة بسمع إنو اسمو شهر الانقطاع...منسميه نحنا شهر المراجعه و أنا بسميه شهر اللمحات السريعه...

بس حبيت علق على شغله انو هالأيام كتير حلوة و انشالله بضل الا ذكرى حلوة..متل ذكرتك..أنا هيك بحكي عن حالي بس بالتاسع إنو شو كنت شاطرة و دريسه و ما بهمني حدا...اما هلأ الورقة وقت بتنزاح بفكر ليش انزاحت...إنو كتير عم يروح فكري..وأنا اعتمادي بالمحصله ع التركيز مو ع الدراسه المكثفه...شنو ماني فارة كتب... :))
10
rori.k.96
2013-04-24 03:04:37
roritto.k.96@gmail.com
كذب مألذك .. :P
حبيبتي لاتخافي موبحاجة مونديال للتلهاية ولووو نحنا كفووو
بس جد ناطرين كتاباتك دعاء :)
9
obada
2012-04-26 22:04:08
oobadaa@hotmail.com
طيب اذا واحد كسلان ولهلق مو خالص شي وكل يوم بيتخانق مع اهلو ومابياكل وجباتو منيح ومابيدرس الا مع رفقاتو شو بساوي بحالوو ؟؟
8
محمد
2012-04-25 14:04:39

أخي مشكور
ملاحظات جميلة
بس ادعيلي انجح هل سنة و ادخل هندسة معلوماتية
على فكرة هي اول سنة في البكلوريا ةانشاء الله الاخيرة
7
وسومة
2012-04-25 00:04:36
LOLO94D@HOTMAIL.COM
نصائح كتير حلوة بس معقول نحنا نحكي هيك ونحنا بالب المعاناةعلى كل حال مشكورة وبتمنا النجاح والتفوق للكل
6
سيمو
2012-03-27 01:03:25
semo-skull@hotmail.com
شكرا كتير الك ودعولنا نخلص من هالسنة
5
غيدا
2012-03-24 18:03:01
ghidamk#hotmail.com
الحكي الصح والي بنفس الوقت كل يوم منسمعو ومامنطبقو ..... يعطيكي العافية على مجهودك
4
هدى
2012-02-16 14:02:00
mayas-t@hotmail.com
عنجد شكرا على هالتقرير شي بريح الله يكون بعوننا وبعون كل حدا حاطط النجاح براسو
3
rita
2012-01-21 14:01:54
xldanlx@hotmail.com
thnx
she berf3 el m3noeye
2
ليث
2012-01-05 13:01:08
liccsyria@yahoo.com
عنجد حكي برفع المعنويات وبيساعد الطلاب الله يوفقيك و يعطيكي الف عافية
1
جمال
2011-10-19 22:10:30
ALZHOR999@hotmail.com
مشكور





الاسم
البريد الالكتروني
كيف حالك




التعليق
 
رمز التحقق